سجن القصيد - الصفحة 2

**مساعد البيشي** · 04-27-2009, 07:47 PM

اسف على التأخير

هذي قصيدة من قصائد الامير الشاعر / خالد الفصيل

وان شاء الله تعجبكم :

ليت العمر يهدى واهاديك عمــــــــري

تستاهل الايام يازهو الايــــــــــــــام

لو الهوى المحبوس في جوف صدري

يظهر على الدنيا غشا العالم هــيام

فيني غرام فوق محمول صبــــــــــري

وفيني خيال فوق تصوير الاحـــــلام

صباحي اسرح لك وفي ليلي اســــري

واذا هجع فكري خفوق الهوى قــام

والله مالي غير الأشواق عـــــــــذري

واللي عرف شوق المواليف مــالام

يامن يبيع الصبر ياناس واشــــــــري

محتاج كل الصبر واصخى بالأقيـــام

يامالك امري ومن نواياك ياامــــــري

ارحم خفوق عن هوى غيركم صـــام

حالي غدا مثل المساويك مبـــــــــري

ياباريي حالي ترى البعد ظــــــــــــلام

ادري بحالك وانت بالحال تــــــــــدري

وعسا ذا العام احسن من العـــــــــام

______________________-

اتمنى تكون عجبتكم القصيدة

واذا تبغون غيرها لنفس الشاعر او لشاعر آخر

او من كتاباتي ماعندي اي مشكلة ^_^

**الراقية** · 04-28-2009, 05:48 PM

,,,,,,,,,,,,,,,,,,,,,,,,,,,,,,,,,,,,,,,,,,

مشكوره حبيبتي ....

ع الطرح المتميز وع الفكره الرائعه...

احم احم...

اخي مساعد ..كلنا نعرف الامير شاعر

خالد الفيصل....

وشعره قمه في القمه .. والقصيده جدا رائعه

اهنيك على الاختيار المميز

بس انا ...

ودي تجيب له قصيده اخرى عن الشوق...

لو بيتين....

وابشر بتوسط لك للي بعدي

من لجنه التحكيم....

يخف عليك ...ويعجل بخروجك

من سجن القصيد....

ياللي بعدي الله الله بأخوي مساعد

لاوصيك فيه..

:)

,,,,,,,,,,,,,,,,,,,,,,,,,,,,,,,,,,,,,,,,,,

**وصايف الصعب** · 04-28-2009, 08:12 PM

ياسلااااااااااام ع المطب اللي هنا

و يسلموو لحوونه

يالله بسرررعه مسااعد عندي طلب ابيك تلبيه بي خلص من الطلب اللي فوقي

**لحن الحزن** · 04-29-2009, 03:59 AM

حيالله اخوي مسااعد ولاهنت عالاختيار الرائع ,,
والنعم وسبعة انعاااام ,, فيك وبالجمييييييع ,,,

بس للأسف ,,,, ماراح تطلع ......من السجن ,,
لييييين تتحفنا وتتحف الجميع هنا ,,, بقصيدة ثانية

ويااريت تكون....... من كتاباتك خيووو,,,,,,,

**مساعد البيشي** · 04-29-2009, 08:00 PM

ياهلا ومرحبا بالجميع ^_^

وابشرو باللي طلبتوه

وعلى فكرة تراني مبسوط في هالسجن

ومستعد ابقى فترة طويلة فيه ^_^

انتظروني

**عاشقــ بصمت ــة** · 04-30-2009, 03:48 AM

^^

احلف وانت واقف <<ههههههههههه

ربي يسلم ها الديات لولو <<تدلع خخخخ على ها الطرح الزين واسمحيلي تم التقيم غلاي

وابي قصيد ه لحامد زيد فتات الخبز وحده ثانيه من ذوقك

وابي قصيد ه من كتاباتك الشخصيه

وابيك تعصر مخك لين ينشف <<هههههههه

وتطلع قصيده فيني مسبه مدحــة راضيـــة والحقوق محفوظــة لأصحابها اكيد <<هع

وعساك على القوه لا تقصرون بنات في ها الموضوع ^_^

**مساعد البيشي** · 04-30-2009, 01:38 PM

هذي بيتين للشاعر خالد الفيصل طلبتها الاخت الراقية

ان شاء الله تعجبكم :

مرتني الدمعه..بها الوجد..ماذاب...
في غربة(الأشواق)..راحت هبايب...

والحب..مريته غريبٍ..على باب...
عقب القصور..أمست قصوره خرايب...

بغيت (أسلي )..(خاطره)..عقب ماشاب...
لقيت..ماله..(بالتسلي)..طلايب...

أقفى..مع المقفين..وجلٍ..و(مرتاب)...
على عقوق الوقت..(بالحيل)..عايب...

_______________________________

انتظرو باقي الطلبات اللي طلبتوها ^_^

**مساعد البيشي** · 05-02-2009, 11:37 PM

هذا طلب الاخت عاشقة بصمت

قصيدة الحلم للشاعر حامد زيد

بوقت من البطا وبليل تتراقص شياطينه
بعد شفت الضيا ينزعمن ثياب المسا ثلثين

تحايلت المنام اللي مثل بيتك تمرينه
وأنا اللي من تفارقنا وأنا ما غمضت لي عين

غريبة كل حلم يمر برقادي تزورينه
والأغرب كيف احلم الحلم وارجع واحلمه بعدين؟

قبل يومين شفتك بالمنام .. وقمت من حينه
ونمت امس ،ورجع نفس المنام اللي قبل يومين

أنا اللي قبل اسافر شلت قلبي من شرايينه
تركته في يدك مثل الأمانة ، واحفظيها زين

ترى حفظ الأمانة دين ..ومجبورة تردينه
أجل مافي أحد كيد قالك حفظ الأمانة دين؟

مرد المقفي بيلفي .. ويستوفي ، وتوفينه
بعد ليله ، ثلاث ، أربعة ، عشرة ، شهر ،شهرين

إذا انتي ، ما انتي بقد الكلام اللي تقولينه
حرام استأمنك حاجه ،واذا جيت اطلبك تنسين

تخونين وتبين ارضى ! وأحد يرضى تخونينه
أنا لاجيت أخونك ، مع حبيبة ثانية ، ترضين ؟

من أول ما رجعت من السفر ما شفت لك بينه؟
وأنا اللي كنت احسبك قبل لا ادوس أرض المطار تجين

تكونين أنتي أول شخص عيني تحتظن عينه
وكنت اتخيلك من زود فرحة رجعتي .. تبكين

واشوف بدمعتك حكيك .. واعرفه قبل تحكينه
واجيب أحلى من اللي بتحكينه ، واتركك تحكين

تقولين : الوطن نور .. واقول بنور مضوينه
تقولي لي : غديت أحلى ، وأقول : عيونك الحلوين

كلام نام بشفاهك .. وخفتي لا تصحينه
ذخرتيه الغرام اللي ينام .. ويتركك تصحين

تغانمتي غيابي ..لين رجحتي موازينه
تعلم من يدك لمس الكفوف وعلمك تجفين

وليتك لاقية به شي ..فيني ما تلاقينه
مهوب غرور .. لكن خابرك مالك أمل تلقين

تغافلك بغلا ..والا الحلا ما هوب من زينه
تزينه الصور .. بس الصحيح ابن الحلال زوين

وأنا ماني بناقص عنه يوم انك تبدينه
نصيبي .. هو نصيبي لو يسددها من الصوبين

قنوع بمظهري .. والسم ما يذبح ثعابينه
على قول المثل : ماني حلو .. لكن ماني بشين

إذا اهداك الزهر مرة فأنا اهديتك بساتينه
وإذا الهاك بفرح ليلة .. فأنا تهت لبكاك سنين

واذا استضعفتك املاكه ..وشتتك ملايينه
أنا حتى فتات الخبز اقسمها معك نصين

طموحي ،بس اجي وأظفر بشي تستحقينه
تدينته .. تسلفته .. سرقته .. مو مهم منين

كأني من كثر ما ارضى بكل اللي تمنينه
لو انك تطلبين الله .. يعنيني ، بقول آمين

أنا مالعب على الحبلين ، وقت الطيش وسنينه
تبين الحين يوم اني كبرت العب على الحبلين ؟

ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين

غرام نسكن ضلوعه .. حشيمه من مجانينه
جفا يجمع معزتنا .. ولا عشق ٍ يذل اثنين

كثار اللي تحدوني وقالوا لي : تحبينه
أمانه .. لا تخليني صغير بعينهم تكفين

لاني كل ما قالوا : تخون ، اقول : مسكينة
عليك الله وأمانه ..علميهم من هو المسكين

أنا خايف ليا طاح الجمل تكثر سكاكينة
وأنا ما عادت ضلوعي تحمل طعنة السكين

ومثل ما قالوا المكتوبواضح من عناوينه
لو ارحل منك للغربة بسافر من ظلامك وين ؟

كفاية .. كل حلم يمر في رقادي تزورينه
كفاية .. من تفارقنا ..وأنا ما غمضت لي عين

قبل يومين شفتك بالمنام وقمت من حينه
ونمت امس ، ورجع نفس المنام اللي قبل يومين .

___________________________________________

انتظرو باقي الطلبات ^_^

**مساعد البيشي** · 05-02-2009, 11:49 PM

هذا الطلب الثاني للاخت عاشقة ^_^

قصيدة للشاعر حامد زيد

: من اختياري وان شاء الله تعجبكم

اسمعي والكل منا له هواه وله ميوله
لاتمسين بكلامك شعره بروس القرايب

ان حكيتي ما وفيت وان تحديتي عجوله
تحسبين ان كل فعل ٍ تفعله يمناك صايب

تحسبين انك خذيتي بالحش صولة وجولة
تحسبين اني ذكرتك مع نسانيس الهبايب

والله انك لو ذبحتي خافقي لألقاك حوله
عاشقة تشقي بقلب من طريق العشق هايب

كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب

ادعيت انك خجولة وادري ان ما انتي خجولة
وادري انك تخجلين الشمس من فوق السحايب

مايحببني بقلبك ياالهنوف الا فضوله
ولا ينسيني غرامك غير تكرار المصايب

عاشقة جيتي ورحتي يالحبيبه يالعذوله
لابنيتي لي طموح ولا تركتيها خرايب

تستبيحين القلوب وتستحقين البطولة
واستحق اعيش بعدك تايب واموت تايب

ياكثر ماشال قلبي شي اكبر من حموله
ولا عفيتي عن غلاه ولابخل لك بالوهايب

كنه ارحم من همال المزن للزهر بذبوله
وانتي اقسى من هجير القيظ وسموم اللهايب

وانتي ادرى في غلاك بداخلي ش اللي يزوله
وادخلي على الله واحفظي ذيك السبايب

ماخبرت اللحظة اللي حللت قربك تحوله
ولا هقيت اني بشدد للجفا قلب وركايب

ولاهقيت انك تحبين الزلل وانتي جفوله
ولاهقيتك تكرهيني كثر حبك للطلايب

كن قلبي في وصالك وابل ٍلحظة نزوله
وفي فراقك مثل دمعة تنحدر من عين شايب

كنت ابي وقفت حبيبه تنهض القلب بخموله
طامح بالعشق وانتي عايبه والحظ عايب

كنت ابيع الكون واشتري خافقك وظلال زوله
كنت اثور اليا وطيتي بالقدم شهب الترايب

كنت قصن كل كفي غير كفك مايطوله
كنت قلب ودمعتين ودرب وجروح عطايب

كنت ابيع العمر كله ورخصه عرضه وطوله
للعيون الي هدبها ثامن السبع العجايب

بس ابرضي لك غرورك واكسر القلب بذهوله
وقتها ماكنت افكر صايب او كنت خايب

والرجل لو ماتحلى بالشهامه والرجولة
صدقيني صعب يقدر يملك قلوب الحبايب

صدقيني مايوالف خافق البنت بسهوله
بالهوى يابنت حواء غير طلاب النشايب

والسهر والعشق الاول والهوى واللي ينوله
شي اقسى من همومك والعنه حاضر وغايب

والهموم اللي دعتني من بعد سن الطفولة
كلها ( من تحت راس العشق ) ملعون الصلايب .

_________________________________

انتظرو باقي الطلبات

**مساعد البيشي** · 05-04-2009, 05:26 PM

هذا طلب اختي لحن الحزن كلمات بسيطة وان شاء الله تعجبكم

لاتترددون في النقد ^_^

في غيبتك ذبحني الحزن يافلان

علمني متى ترجع يافرحة زماني

في غيبتك مالي بالدنيا مكان

وصــبر الكــون كــله ماكفانـي

على شوفتك انا بالحيل شفقان

ومن غبت الحزن ماصدق غزاني

أشتقت لك حيل يانبع الحنان

وصورتك من غبت ماتعداني

تمنيتك ونلتك يا أغلى إنسان

وأنــت بـدنيـتي كـل الأمـاني

أنـا أشهـد أنـك غالـي الأثمان

وبسبابك دنيتي لها طعم ثاني

تعال لاتتركني مع الاحــزان

تعال تــرى السهـر أضـنانـي

يـالله ياحي يا معبود يارحمان

ترجع لي بالسلامة سيد خلاني .

___________________________________

باقي طلب الاخت عاشقة انتظروني ^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

منتديات مراحل العمر	منتديات عذب الإحساس	::R7R.NET:: لاختصار الروابط	احاسيس	إعلانك النصي هنا
إعلانك النصي هنا	إعلانك النصي هنا	إعلانك النصي هنا	إعلانك النصي هنا	إعلانك النصي هنا

الإهداءات
إضافة إهداء